Iqtisodiyot
Intellektual múlk huquqların qorawdi tártipke salıwshı nızam proekti kórip shıģıldı
Oliy Majlis Nızamshılıq palatasınıń májilisinde intellektual múlkti huquqıy qoraw hám qáwipsizlik sistemasın jetilistikke alıp shıģıwģa qaratılgan nızam proekti birinshi oqıwda kórip shıģıldı. Bul hújjet intellektual múlk tarawında huquqıy qoraw mexanizmlerini taza basqıshqa alıp shıģıw, isbilermenlik subyektleri hám investorlar ushın qolaylı huquqıy ortalıq jaratıw, sonday-aq ma'muriy tártip-taamıllardı ápiwayılastırıw maqsetinde islep shıģılgan.
Nızam proekti menen xizmet wazıypaların yamasa xizmet tapsırıģın atqarıw tártibinde jaratılgan shıgarmalar, atap aytqanada adabiy, scenariy, muzıkalıq, xoreografiya, audiovizual, arxitektura hám dizayn sıyaqlı shıgarmalarģa bolgan múlkshilik huquqların tártipke salıwda táreplerdiń shártnamalıq erkinligi támiyinlenmekte. Atap aytqanda, xizmet shıgarmalarına tiisli múlkshilik huquqlarınıń on jıldan keyin avtomat túrde avtorģa ótiwi haqqındagı norma biykar etilip, bul qatnaslardı shártnama tiykarında belgilew názerde tutılmaqta.
Sonday-aq, intellektual múlk obiektleri boyınsha mámleketlik ekspertizası qararlarınan narazı bolgan shaxslarģa Apellatsiya keńesine múrájat etiw menen bir qatarda, tuwrıdan-tuwrı sudqa múrájat etiw huquqı berilmekte. Bul puqaralar hám isbilermenlerdiń sud arqalı óz huquqların qoraw imkaniyatların keńeytirip, buzılgan huquqlardı tiklewge xızmet etedi.
Bunnan tısqarı, oylap tabıw, paydalı model, sanaat úlgisi hám seleksiya jetiskenliklerine tiisli patentlerdiń ámel etiwin saqlap qalıw ushın mámleketlik bojın aldın ala tólew imkaniyatı jaratılmaqta. Bul huquq ieleri ushın qosımsha qolaylıqlar jaratıw, patentlerdiń texnikaviy sebeplerge kóre ámelden shıģıp ketiwiniń aldın alıw hám intellektual múlk obiektlerinen nátiyjeli paydalanıwdı támiyinlewge múmkinshilik beredi.
Aytıp ótildigindey, nızam proektiniń qabıl etiliwi intellektual múlk obiektlerin huquqıy qoraw mexanizmlerin jánede jetilistiriw, jergilikli hám shet el investorları ushın isenimli huquqıy ortalıq jaratıw, innovaciyalıq iskerlikti xoshametlew hám de mámleketimizdiń investiciyalıq tartımlılıgınıń arttırıwģa xızmet etedi. Nızam proekti birinshi oqıwda qabıl etildi.
Ulashish