← Artqa
searchTV.uz

Tabiyat hám qorshaǵan ortalıq máselesi áhmiyetli tús alıp atır

Tabiyat hám qorshaǵan ortalıq máselesi áhmiyetli tús alıp atır. Jasıl ósiw qorshaǵan ortalıqtı buzbaw menen birge ekonomika gúllep-jasnaytuǵın keleshek wáde etedi. Aslına kelgende bul túsinik haqıyqatqa qanshelli jaqın? DW basılımınıń jazıwınıńsha, adamzat civilizaciyası óte turaqlı emes jaǵdayǵa kelip qaldı. Jer áyyelden ómir ushın áhmiyetli toǵız shegaradan jettisin, atap aytqanda klimat ózgerisi, okean kislotalılıǵı hám biosfera pútinliginiń buzılıwın kesip ótti. Eger ekonomika hám jámiyat aldınǵıday jumıs alıp barıwın dawam etse, sayyoramızdaǵı ómiirlik teń salmaqlıq izden shıqqan halda dawam etedi hám adamzat keleshegi qáwip astında qaladı. Házir adamzat dúnya jılıwı hám tabiyat jemiriliwine shek qoyıw imkaniyatına iye bolıwı ushın usı sociallıq-ekonomikalıq modeller ózgeriwi kerek ekeni tán alınǵan. Áyne usı jerde jasıl ósiw ǵoyası járdemge keledi. Bul prociss shıǵındı hám resurslardan paydalanıwdı bir waqıttıń ózinde kemeytken halda ekonomikalıq ósiw tezligin saqlap qalıwdı názerde tutadı. Mısalı, zavod, kárxana hám turar jay imaratlarınıń islewi ushın kómir hám gaz ornına samal, quyash hám basqa da ekologiyalıq taza energiya dereklerinen paydalanıw zárur. Sonday-aq gaz peshlerin ıssılıq nasoslarına almastırıw hám resurs, shiyki zatqa qayta islew hám isletiw zárur. Mütaxassislerdiń pikirinshe, bul jantasıw ekologiyalıq máselelerdi sheshiwde áhmiyetli qádem bola aladı. Biraq onıń ámeliyatta qanshelli nátiyjeli ekeni boyınsha taldawlar dawam etip atır. - Máni boyınsha ǵoya ádettegi, tek ekologiyalıq taza texnologiyadan paydalanǵan halda jumıs alıp barıwdı talap etedi, – deydi sociallıq ekologiya professori Xelmut Xaberl. 2020 jılı ol hámde kásbilesleri menen birgelikte jasıl ósiw boyınsha 800 den ziyat izertlew taldanǵan keń kólemli esabat tayarlaǵan edi. Bul izertlewlerdiń nátiyjeleri jasıl ósiw koncepciyasınıń áhmiyetli tárepleri hám sheklewlerin tereńirek túsiniw imkaniyatın beredi. Búgingi kúnde global kólemde ekologiyalıq turaqlılıqtı támiyinlew hám ekonomikalıq rawajlanıwdı teń salmaqlıqta saqlaw áhmiyetli wazıypa bolıp qalmaqta.
Ulashish